प्रवासी

ह्या जगातील आपण
काही काळाचे रहिवासी
अनंताच्या यात्रेला
मग निघतो प्रवासी ......

कोठून येतो - नाही ठाऊक,
कुठे जायचे नसते माहित
तरीही वणवण करीत असतो .......भटका प्रवासी

मिळेल तिथे करितो वस्ती
जुळेल तेथे जुळवीत नाती
अनंत स्मरणे ठेवुनी मागे .........निघतो प्रवासी

किती झुंजतो आणि झगडतो
अहंपणाचा नाग दंशतो
लोभ-राग पण अखेर निष्फळ .......निघतो प्रवासी

तर्हेतर्हेचे बेतही रचतो
कसली कसली हावही धरतो
असा अधाशी, तरी उपाशी ..........निघतो प्रवासी

जन्मजन्मीच्या फेर्यांमध्ये
फिरतो प्रवासी ......
पिढ्यापिढ्याच्या वस्त्रामधला
धागा-प्रवासी ..............